ന്യൂഡല്‍ഹി: പ്രധാനമന്ത്രിയുടെ പ്രിന്‍സിപ്പല്‍ സെക്രട്ടറി ടി കെ എ നായര്‍ അനധികൃത ഭൂമി കൈമാറ്റത്തിനു കൂട്ടു നിന്നതായി ആരോപണം. ദ ഹിന്ദു ദിനപത്രമാണ് അദ്ദേഹം ബന്ധുവിനും കുടുംബസുഹൃത്തിനും പൊതുമേഖലാസ്ഥാപനത്തിന്റെ ഭൂമി അനുവദിക്കാന്‍ ഇടപെട്ടതായി ആരോപണമുന്നയിച്ചത്. ഭാരത് എര്‍ത്ത് മൂവേര്‍സിന്റെ ബംഗളൂരുവിലെ സ്ഥലം തന്റെ ബന്ധുവായ പ്രീതിപ്രഭ, ഉമാദേവി നമ്പ്യാര്‍ എന്നിവര്‍ക്ക് കൈമാറന്‍ ശ്രമിച്ചത്. തൊഴിലാളികള്‍ക്കായി നീക്കിവെച്ച സ്ഥലമാണ് ചെറിയവിലക്ക് കൈമാറിയത്. 2008ല്‍ കൈമാറിയ ഭൂമി ഇടപാട് വിവാദമായതോടെ 2010ല്‍ തിരിച്ചു നല്‍കിയെന്നും പത്രം പറയുന്നു. ചതുരശ്രഅടിക്ക് അന്ന് 2500 രൂപ മുതല്‍ 3000 വരെ വിലയുള്ള സ്ഥലം 450 രൂപക്ക് കൈമാറി. ഭാരത് എര്‍ത്ത് മൂവേര്‍ഴ്സിലെ തൊഴിലാളിയായ പെരിയ സ്വാമി നല്‍കിയ പരാതിപ്രകാരമാണ് നടപടികളുണ്ടായത്. പരാതിക്ക് മറുപടി നല്‍കാതെ അധികൃതര്‍ സ്ഥലം തിരിച്ചെടുക്കുകയായിരുന്നു.
No comments:
Post a Comment