കൃഷിഭൂമി കോർപറേറ്റുകൾക്ക്‌ അടിയറവയ്‌ക്കാനുള്ള നിയമഭേദഗതിയും മോദി സർക്കാർ കൊണ്ടുവന്നു. 2015ലെ പുതുവർഷദിനത്തിൽ ഇറക്കിയ ഭൂമി ഏറ്റെടുക്കൽ നിയമഭേദഗതി ഓർഡിനൻസിനെതിരെ രാജ്യമെമ്പാടും കർഷകരോഷം അലയടിച്ചു. 2015ലെ ബിഹാർ, ഡൽഹി നിയമസഭാ തെരഞ്ഞെടുപ്പുകളിൽ ബിജെപി പരാജയപ്പെട്ടതോടെ ഇത്‌ പിൻവലിച്ചു.
അഞ്ചു വർഷത്തിനകം രാജ്യത്തെ കർഷകരുടെ വരുമാനം ഇരട്ടിയാക്കുമെന്ന്‌ 2016ലെ കേന്ദ്ര ബജറ്റിന്റെ തലേന്ന്‌ മോദി പ്രഖ്യാപിച്ചു. 2016–-17 മുതൽ 2022–-23 വരെ പദ്ധതി നടപ്പാക്കാൻ അശോക്‌ ദൽവായ്‌ കമ്മിറ്റിയെയും നിയോഗിച്ചു. 2015–-16 അടിസ്ഥാന വർഷമായും നിശ്ചയിച്ചു.
ദേശീയ സാമ്പിൾ സർവേ ഓർഗനൈസേഷൻ റിപ്പോർട്ട്‌ പ്രകാരം 2015–-16ൽ കർഷക കുടുംബങ്ങളിലെ ശരാശരി വാർഷിക വരുമാനം 96,703 രൂപയായിരുന്നു. 2022–-23ൽ വരുമാനം 2,71,378 രൂപയാക്കാനും (പണപ്പെരുപ്പംകൂടി പരിഗണിച്ച്‌) തീരുമാനിച്ചു. എന്നാൽ, 2021ലെ റിപ്പോർട്ട്‌ പ്രകാരം ശരാശരി വാർഷിക വരുമാനം 1,22,616 രൂപ മാത്രമാണ്‌. വളം, വിത്ത്‌ വിലവർധന, വൈദ്യുതിനിരക്ക്‌ വർധന എന്നിവ കാരണം കൃഷിച്ചെലവ്‌ ഉയരുന്നതിനാൽ വരുമാനം ഇടിയുകയാണ്‌.
ദേശീയ സാമ്പിൾ സർവേ ഓർഗനൈസേഷൻ റിപ്പോർട്ട്‌ പ്രകാരം 2015–-16ൽ കർഷക കുടുംബങ്ങളിലെ ശരാശരി വാർഷിക വരുമാനം 96,703 രൂപയായിരുന്നു. 2022–-23ൽ വരുമാനം 2,71,378 രൂപയാക്കാനും (പണപ്പെരുപ്പംകൂടി പരിഗണിച്ച്‌) തീരുമാനിച്ചു. എന്നാൽ, 2021ലെ റിപ്പോർട്ട്‌ പ്രകാരം ശരാശരി വാർഷിക വരുമാനം 1,22,616 രൂപ മാത്രമാണ്‌. വളം, വിത്ത്‌ വിലവർധന, വൈദ്യുതിനിരക്ക്‌ വർധന എന്നിവ കാരണം കൃഷിച്ചെലവ്‌ ഉയരുന്നതിനാൽ വരുമാനം ഇടിയുകയാണ്‌.
No comments:
Post a Comment