ഭാരതത്തിന്റെ അറുപത്തിനാലാം സ്വാതന്ത്ര്യ വാര്‍ഷികം നാം ആഘോഷ പൂര്‍വ്വം കൊണ്ടാടി .ഒരു പുതു ജീവിതത്തിനു വേണ്ടി പീഡനങ്ങളും രക്ത സാക്ഷിത്വവും ഏറ്റു വാങ്ങിയ ധീര ദേശ അഭിമാനികള്‍ സ്വപ്നം കണ്ട സ്വാതന്ത്ര്യം ഇതായിരുന്നുവോ ?ദിവസം ഇരുപതു രൂപയില്‍ താഴെ മാത്രം വരുമാനമുള്ള 77 %-എല്‍ അധികമുള്ള മനുഷ്യ പുഴുക്കള്‍ നിവസിക്കുന്ന നമ്മുടെ നാട് ! അവരുടെ സ്വപ്നത്തില്‍ സ്വാതന്ത്ര്യം ഭക്ഷണവും,കുടിവെള്ളവും ,കിടപ്പാടവുമാണ്
നമ്മുടെ സമൂഹം പാടി പുകഴ്ത്തുന്ന സ്വാതന്ത്ര്യം ഈ യഥാര്ത്യവുമായി പൊരുത്തപ്പെടുന്നതല്ല .ഇന്ന് സ്വാതന്ത്ര്യത്തിനു പുതിയ നിര്‍വ്വചനങ്ങള്‍ കണ്ടു പിടിച്ചിരിക്കുന്നു.കള്ള കടത്തിലൂടെയും കൈക്കൂലിയിലൂടെയും അഴിമതിയിലൂടെയും ധനം സമ്പാദിക്കല്‍,ജാതിയും മതത്തെയും വില്പനച്ചരക്കാക്കാനുള്ള അവകാശം ,അന്യ മതസ്ഥരെ കൊല ചെയ്യുവാനുള്ള ലൈസന്‍സ് ഇതൊക്കെയാണ് പുതിയ ഇന്ത്യ സ്വാതന്ത്ര്യത്തിനു നല്‍കുന്ന പുതിയ നിര്‍വ്വചനങ്ങള്‍.ഇവിടെ മനുഷ്യ സ്വാതന്ത്ര്യത്തിനു വില നഷ്ടപ്പെടുന്നു.
യഥാര്‍ത്ഥത്തില്‍ സ്വാതന്ത്ര്യ ദിനാഘോഷത്തിന്റെ അര്‍ഥം നഷ്ടപ്പെട്ടിരിക്കുന്നു.കൊല്ലത്തിലൊരിക്കല്‍ ആചരിക്കേണ്ട അനുഷ്ടാന കര്‍മ്മം ആണോ സ്വാതന്ത്ര്യദിനം.മറ്റുള്ളവരുടെ സ്വാതന്ത്ര്യം വക വെച്ച് കൊടുക്കാതെ നമുക്ക് എങ്ങിനെ സ്വയം സ്വതന്ത്രനാകാന്‍ കഴിയും.സഹജീവികള്‍ക്ക് ജീവിക്കുവാനുള്ള സ്വാതന്ത്ര്യം നിഷേധിക്കുന്നത് വന്യ ജീവികളുടെ സ്വഭാവം അല്ലെ ?മൃഗങ്ങളുടെ സംസ്കാരത്തിലേക്ക് ഇന്ത്യന്‍ സമൂഹം തിരിച്ചു പോകുകയാണോ ?അല്ലെങ്കില്‍ എന്ത് കൊണ്ട് കൈ വെട്ടുന്നവരുടെയും കാല്‍ വെട്ടുന്നവരുടെയും മദ്ധ്യത്തില്‍ നമുക്ക് ജീവിക്കേണ്ടിവരുന്നു .ഇന്ത്യന്‍ സമൂഹത്തില്‍ മനുഷരുടെ രൂപത്തില്‍ മൃഗങ്ങളാണ് ഏറെ .
ആഗോളവല്‍കരണത്തിന്റെ കുതിച്ചുചാട്ടത്തില്‍ സാമൂഹ്യമായ അസ്വാത്ന്ത്ര്യതിലേക്ക് നാം വഴുതി വീഴുന്നത് തിരിച്ചറിയാന്‍ കഴിയുന്നില്ലെങ്കില്‍ ആഘോഷങ്ങളുടെ പ്രസക്തി എന്ത് ? സ്തംഭിച്ചു നില്‍ക്കുകയാണ് സ്വാതന്ത്ര്യം വഴിയറിയാതെ.പക്ഷെ വഴികള്‍ പലതാണ്.അതില്‍ നിന്നും ജനങ്ങളുടെ വഴി തെരഞ്ഞെടുക്കുവാന്‍ നമുക്ക് ഇനി എത്ര കാലം കാത്തിരിക്കേണ്ടി വരും.
കടപ്പാട് -ഡോ കെ എന്‍ പണിക്കര്‍..
No comments:
Post a Comment